Одышла Олена Дуць (1927-2017)

З жальом інформуєме, же 27. лютого/фебруара т.р. вмерла бл. п. Олена Дуць – мама др габ. Олены Дуць-Файфер.

Покійна народила ся в 1927 році на західній Лемковині, в селі Чырна. Сімдесят років тому была насильно выгнана на західні землі Польщы одкале в 1961 році вернула до Устя Руского, де прожывала до кінця своіх днів.

Редакция Медияльной Ґрупы ЛЕМ.фм складат щыры кондоленциі родині Покійной.

Вічна Памят!

Похоронны богослужыня зачнут ся 28. лютого/фебруара о 19.00 год. в хыжы Покійной в Устю Рускым. Чын похорону буде служений в середу (01.03) в православній церкви Покровы Пресвятой Богородиці в Ганчовій по Службі Божій, котра зачне ся о 9.00 год.

фото: скрін єдного з фільмів, в котрым выступила бл. п. Олена Дуць, приводячы своі спомины о Лемковині і выгнаню.