«Маґуры ’15»

Явило ся на выдавничым рынку чергове выдавництво посвячене Низкому Бескідови і Погірю. То пятнадцетий номер крайознавчого річника «Маґуры», печатаного Студентскым Кружком Бескідскых Провідників одділіня Варшава.

Часопис тот тыкат ріжных тем, односячых ся до істориі тых земель, іх ґеоґрафіі, а часом дакых етноґрафічных ци социйоґрафічных і, очывидні, крайознавчых тем. Все же вельо місця занимают дописы про культуру і історию Лемків і Лемковины.

В найновшым, 15. чыслі річника «Маґуры», мож прочытати два дописы авторства Вєслава Жызновского пн. Єдніст хыжы і ґаздині: Анна Буряк і єй лемківска хыжа та Смеречне на Лемковині. Спомины і реляциі Александра Худика – омовліня. Окрем того, в часописі найдете обшырну моноґрафічну статю Даміана Новака про історию лемківского села Радоцина, дополнену о фотоґрафічний материял.

Традицийні своє місце в «Маґурах» мат справозданя авторства Шымона Моджеєвского з діяльности Стоваришыня Маґурич про захороніня сепульклярной штукы і малой придорожной архітектуры в 2015 році, як тіж перегляд выдавничых новости з 2015 рока, тыкаючых тем Низкого Бескіду авторства Тадеуша Кєлбасіньского.

Дополніньом найновшого выданя сут материялы з акциі Опис та вершы Бартломєя Кєльского-Барданашвілі.

Тот, як і архівальны номеры «Маґур», доступны сут до пожычыня в Бібліотеці Руской Бурсы.