«Слово» – Неділя блудного сына – неділя, 9.00 год.

Євангеліє днешньой неділі нам говорить о великій Божій любви ку чоловіку. Же Бог не хоче смерть грішника, но хоче його обернутя. Отець мав двох сынів, молодшый собі выпросив свою частку, одышов далеко і там прогайновав вшытко жыючі роспустно. Кідь уж нич не мав, настав в тій земли голод і припросив ся пасти свині. Тогды собі усвідомив свій стан, кым быв перед тым і теперь робить постановліня вернути ся до дому отця. Отець сам го очекує. І давать приказ дати му перше облечіня – знова му привернути достоїнство, што мав перед тым. Отець му не робить докоры за то, же прогайновав його маєток. але радує ся з його приходу. Така є Божа любов, нашы гріхы неможуть перевышыти Божу любов. Старайме ся перебывати в домі Отця. Кідь ся стане, же упадеме, смотрячі на блудного сына, скоро вертайме ся назад (покля сме на тій земли) а Отець нас прийме з любвов і одпустить гріхы. Слава ІСХС!