Поза каноном. Мастерство без дипльому.

Як пояснят кураторка Аґнєшка Коздемба, експозиция «Поза каноном. Мастерство без дипльому. З колекциі Музею ім. Яцка Мальчевского в Радомі» мат на ціли приближыти многоаспектовіст і покомпликуваня непрофесийной творчости, інчой як тота признавана і розумлена на клясичний спосіб, Art Brut, не підпорядкуваной правилом, як тіж вказати індивідуальніст і інтуіциі творців. Вшыткых іх получыл талант, пасия і інтуіция.

Выставлены будут образы артистів наівных – малюнкы примітивістів, анальфабетів, люди інтелектуальні ґанчуватых і соспільні елімінуваных. Серед них нашли ся акварелі і малюнкы Никыфора – Епифана Дровняка (1895-1968), єдного з найславнійшых малярів примітивістів. Окрем творчости лемківского артисты, на выставі запрезентуют реліґійні мотивувану творчіст Мариянны Вісньосовой (1909-1996), поражаючы кольоризмом малюнкы Катерины Ґавловой (1896-1982), але тіж творы зараховуваны до кругу психопатолоґічного, артистів, якы своі терпіня і тяжку хвороту записали в артистичній подобі (Монсєль, Суловскій, Косек).

Окремом експозицийном частю є творчіст тзв. шлезскых візийонерів – окультистів: Теофіля Оцєпкы і Ервіна Сувкы.

Вшыткы презентуваны експонаты сут зо збіркового фонду Музею ім. Яцка Мальчевского в Радомі. Тамтышнє Одділіня непрофесийной творчости было основане в 1979 р. і доднес зобрало більше як 700 обєктів. Більше деталів на музейным сайті.