На лемківскым Йордані (друга част) – проґрам «70 процент» – субота, 20.00 год.

Різдво Христове, Новий Рік і Богоявліня ― Лемкы в Тернополи святкуют тоты три свята в єдным. Сходят ся з цілой тернопільской области на сам Йордан.

Ниґда не можеме войти двараз в тоту саму воду. Зато і «Лемківскый Йордан», хоц подібний до того, якым был рік, два ци пят тому, але все дакус інакший. На березі Йордану споминаме нашы традициі, вінчуваня, коляды, співаме, танцуєме, честуєме ся, тішыме ся святом і… єден другым. Єст кым ся тішыти ― бо то велика стріча Лемків; сходят ся ту, в домі культуры «Березіль», аж пятсто люди.

Но і мы тіж не лем гостиме ся і святкуєме, но і при тым бесідуєме. Тыжден тому слухали сте інтервю з ґаздыньом того свята Віром Дудар. А днеска нашы респонденты ― то Лемкы старшого поколіня: Іван Джула з Королика Волошского і Параска Трач (з дому Ванько) з Мысцовы. На знимці она сховала ся за яличком…