«Червений берег» Людмилы Шандаловой в проґрамі «Печатня» – пятниця 18.10 год.

В найблизшу пятницю, 25. листопада/новембра, прошу слухати реляцию з промоциі новой книжкы Людмилы Шандаловой пн. «Червений берег».

До концертовой салі основной артистичной школы во Свиднику пришло вельох чытальників, камаратів і родина авторкы, жебы ґратулювати єй успіху і выслухати критично-літературных выступлінь науковців, котры професийні занимают ся досліджуваньом русиньской літературы – Кветославы Копоровой з Пряшівского Університету і Олены Дуць-Файфер з Ягайлоньского Університету. Лавдацию в чест вызначной родачкы выголосил і бургомайстер міста Свидника – Ян Голодняк. Торжество прикрасил Митрополитальний Хор Православной Церкви, котрий співал літургічны творы, русиньскы співанкы і авторску пісню «Карпаты, Карпаты» на слова Людмилы Шандальовой, з музыком Осифа Кєселиці. Вершы і фраґменты творів авторкы рецитували учениці основной артистичной школы во Свиднику.