Што Настці…? – Лемківско-поґужаньскій ярмарк в Лоси

Што Настці по голові ходит? – Лемківско-поґужаньскій ярмарк – Лося 2014

В неділю 06.04.2014 рока в Лоси одбыл ся лемківско-поґужаньскій ярмарк. І наше радийо дотерло гын зо своім ґадалом. Словами перекажеме Вам што сме виділи, хоц не спосіб описати прекрасных рукоділ якы презентували місцевы і приєздны артисты. Денекотры поділили ся з нами своіма техніками, а были і такы, котры переказувану з поколіня на поколіня традыцию тримали в таємници. Але того вшыткого дознате ся з реляциі.