Русин.фм в ЛЕМ.фм – «Говорить Пряшів», за послідній тыжден вересня/септембра – середа, 20.00 год.

Кінчыт ся місяц вересен/септембер. Тым самым кінчыт ся і свобідний час для студентів. Но, за школярами уж такой місяц інтенсивной наукы. Хоц може бы і могло ся здавати, же з подіями в русиньскым світі вєдно з приходом осени може быти дакус тяжше як в літі, то – успокаяючы Вас, дорогы слухачы – не доцяп правда. В нас ся дале фурт діє, орґанізує і є о чым бесідувати, ай припоминати.

В проґрамі з Пряшова, а радше – з Пряшівской Руси і не лем – днес, в середу 28. вересня/септембра буде вельо про теперішнє, але і пізріня в минуле. Як все, премєровий «Говорить Пряшів» принесе дашто з культуры, істориі, з радийовой книжниці радия Русин.фм (днес стихы Олены Дуць-Файфер), та покус повандрує з нашыма русиньскыма целебритами (чыт. выдатныма персонами в нашым великым народі). А про выдатных целебритів днес буде – рід Балудяньскых, з котрого вышол і ректор Петроградского Університету.

І што веце? Но тепер то хыбаль вшытко. Ждийте 20.00 годины за русиньскым часом, а почуєте полно доброго слова з Пряшівской Руси. Редакторів Русин.фм чути будете вчас жывого высыланя медже 18.00 – 22.00 год.

Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.