Сандецка гра

Нацийональний Архів в Кракові, одділіня в Новым Санчы, орґанізує другу едицию «Сандецкой гры». Пропозиция єст направлена на учеників ґімназияльных шкіл (13-16 років) з обшыри Нового Санча. Буде то конкурс з елементами містецкой гры. Більше деталів, як тіж реґулямін конкурсу мож найти на сайті Нацийонального Архіву в Кракові.

Окрем того мож познати материялы до другой едициі гры, в котрій мож видіти фотоґрафіі Лемків і фраґмент споминів Михала Олеснєвича з архіву ансамблю Кычера з Ліґниці. Унікатовы документы, дотуляючы ся Никыфора, репродукциі його образів, просительны писма Никыфора і фотосы з фільму «Мій Никыфор» зо збіркового фонду Округового Музею в Новым Санчы.

За мотузком мож видіти фабулярний фільм «Мій Никыфор» з 2004 р. в реж. Кжыштофа Краузе. Ролю вызначного лемківского артисты заграла акторка Кристина Фельдман. Была за ню нагороджена на чысленных фільмовых фестівалях, в тым в Ґдыни і Карльовых Варах.