«Надія» в Шпротаві

В суботу, 31. жолтня (октобра) т.р., на чужыні в Шпротаві, в реставрациі Na szlaku smaku, свій концерт даст лемківска ґрупа «Надія», котрий зачне ся од 20.00 год.

В околицях Шпротавы (або Шпортавы, як часто єй Лемкы звали) до днес жыє вельо Русинів, котры были выгнаны з рідных сел на Лемковині в 1947 році на західні землі Польщы. Лемківскы жытелі Шпротавы і околиц асоциюют ся в двох парафіях: грекокатолицкій Преображыня Господнього в Шпротаві і православній Рождества Пресвятой Богородиці в поблизкым Лешні Ґурным.

Зо Шпротавы походит тіж лідер ансамблю «Надія» – Андрий Кайфаш, котрий в 2008 р. з інчыма молодыма Лемками основал ґрупу. «Надія» за тот фалаток часу, заграла вельо концертів не лем в Польщы, але тіж в інчых державах світа. В своім репертуарі грают головні лемківскы співанкы. Веце про «Надію», найдете за тым мотузком.