Анна Порачова в Празі

Дня 13. септембра 2014 р. одбуде ся в Празі концерт знамой русиньской співачкы зо Словакії Анны Порачовой. Выступліня єдной із нашых вызначных солісток народной музикы зачінать о 17.00 год. в Домі народностных меншын (Vocelova 602/3). Орґанізаторами події суть Rusíni.cz – русиньска ініціатіва в Чеській републіці і Дім народностных меншын о.п.г. (обще проспішна громада). Співфінанцованый є в рамках Проґраму підпоры актівностей народностных меншын на теріторії головного міста Прагы. Вступ є бесплатный. Сердечно запрашаме вшыткых, котры
суть, або в тім часі будуть в Празі.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА