Рік Кольберґа

Днес (22 лютого) 200. річниця уродин выбітного польского фольклористы і етноґрафа – Оскара Кольберґа, якій лышыл по собі велику спадщыну, неоцінене джерело материялів про народну культуру і мистецтво XIX-вічной Польщы. До той поры выдано друком 84 томы з цыклю моноґрафіі Люде. Іх звычаі, спосіб жытя, бесіда, пераказы, приповідкы, обряды, віріня, забавы, пісні, музыка і танці (за його жытя выдано 33 томы, по смерти Кольберґа наступны томы друкуваны были як Діла вшыткы), на котрых зареєструваны остали вшыткы елементы жытя етнічных і народовых меншын Польщы.

2014 рік остал установлений перез Сойм Польщы 6 грудня 2013 рока, як рік Кольберґа. Дрібниці про торжествуваня Року Кольберґа під мотузком Рік Кольберґа.

Білше про самого Оскара Кольберґа і його творчіст найдете на сторонах: www.oskarkolberg.pl, www.kolberg2014.org.pl, www.polona.pl