Джерела „Лемковины” бют в Бортным і Лісьцу.

На Велию о год. 20.00 дознаме ся де і коли была основана найважнійша лемківска нацийональна інституция культуры – Репрезентацийний Ансамбль Пісні і Танця Лемковина.

Дознаме ся што колиси было важне, а гнеска для Лемків ся мало рахує? Чом в Монтреалю ансамбль “Лемковина” стрітил ся з острацизмом? Хто ся поплакал на сцені в Саноку? 

Ци на чужыні в загалі може ся розвивати лемківска культура? 

Буде про Бортнян в Лісьцу, котры роками діют на славу свого рідного села. І про жертвенніст великых творців лемківской культуры, котрыма гнеска поневерают. Буде о ровері Ярослава Трохановского.  

Про своє рідне село – Бортне, і про долгы рокы выступів в ансамблю “Лемковина” буде оповідала легендарна співачка Марія Стеранка – Трохановска.