Рутенія рекрутує

Днес зачынат ся рекрутация до русиньского фольклорного ансамблю «Рутенія», фунґуючого в Братиславі на Словациі. Перший етап наборовых стріч пройде (12.09) і в середу (14.09). Другій – о два тыжні пізнійше: в пятницю 24. вересня/септембра т.р. та в слідуючу неділю (26.09).

Рекрутация є направлена на каждого, хто має дяку сполнити ся в роли танцуристы, співака або гудака народной капелі. Членьство в ансамблю дає можніст не лем познати традициі і культуру Русинів, але тіж оферує спілпрацу з інчыма русиньскыма орґанізациями та ансамблями. З «Рутенійом» молоды люде мают нагоду зъіздити добрий фалаток світа, вдяка тому, же ансамбль є прошений на вшелеякы фестівалі і турне (посліднім разом выступували в Латиньскій Америці в Перу). «Рутенія» то тіж ансамбль, котрий менує ся як офіцияльний про орґанізацию Молоды.Русины. Зато членьство в ансамблю по части анґажує молодіж до діяльности на ниві русиньскых справ в рамках орґанізациій (в послідній вікенд проходил табір і сойм Молодых.Русинів в Малым Липнику). Влони празднували 5. річницю діяльности. Назва ансамблю выводит ся од історичной назвы териториі, на котрій жыли Русины (marchia Ruthenorum), што має вказати на тото, же молоды люде не стратили інтерес о свою історію. Попри тым, коли ідут репрезентувати вшыткых Русинів світа, несут зо собом русиньску фану.

Про деталі зазерайте на сайт ансамблю, та іхній фанпейдж в просторі Фейсбука.