Но і летит нам дальший тыжден нашого 2016 рока. За 22. – 28. серпня/авґуста подіяло ся вельо і вельо ся іщы подіє. Вшытко, што треба знати, дознате ся днес по 20.00 год. в свіжым проґрамі «Говорить Пряшів», котрий такой прапремєру мал два дни тому в камаратскым радию Русин.фм, а премєру днес в нашым радийю ЛЕМ.фм.
Як кажду середу – цикль зложений з Культурального калейдоскопу, Історичнного Календаря, Книжниці Русин.фм і Нашых целебритів. В тым посліднім – днес про выдатного Русина – грекокатолицкого єпископа Андрия Бачыньского.
За рамівком Русин.фм чытаме: Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.