Як молоды видят Низкій Бескід?

Ґорлицкій Центр Культуры, Польско-Словацкій Дім ім. Душана Юрковича в Ґорлицях, Центр Культуры і Туристикы, Польско-Словацкій Дім в Брадийові та Містецкій Уряд в Ґорлицях запрашают до участи в черговым, шестым уж, польско-словацкым конкурсі пн. Мій Низкій Бескід.

То фотоґрафічний конкурс направлений на шкільну молодіж, яка своє фотоґрафічне око скєрувати винна на выіманя тых найліпшых моментів з жытя Низкого Бескіду, знимаючы неповторну красу той обшыри. Знимкы присылати мож в двох катеґориях:

• Люде і культура,
• Природа і архітектура.

Конкурс проходит в двох віковых катеґориях: до 12-ох та до 20-ох років. Знимкы присылати мож аж до 18. листопада/новембра т.р., зато єст іщы барз вельо часу на провандруваня части Лемковины і на затриманя на фотоґрафіях даякого характеристичного фраґменту Низкого Бескіду, якій може обявити ся для жырі тым найкрасшым, найліпшым.