Шандор Петкі (1917-2005) – «З лемківского архіву» – пятниця, 20.00 год.

Шандор Петкі (1917-2005) – был зо школы підкарпатскыx малярів періоду меджевоєнного часу. Зараxуваний до найбарже талантливых малярів Підкарпатской Руси – тзв. великой сімкы, разом з Ерделийом, Бокшайом, Контратовичом, Коцком і Борецкым. Был наймолодший з ниx, але не меньше здібний. Хоцкы векшіст жытя творил в часаx по ІІ Світовій Войні, докінця тримал ся підкарпатской школы малярства. На його рішыня, жебы зачати артистичну карєру безпосереднє влияня мали Ерделий і Бокшай. Шандор Петкі малювал портреты, композициі а найбарже знаний был з пейзажів, на котрыx малювал прекрасне Підкарпатя.

Hа премєру «З лемківского архіву» запрашаме в пятницю о 20.00 год. Лем в лем.фм!