Русины в Клівленд

Карпаторусиньскє Общество в ЗША, одділ орґанізациі в Клівленд, просит на четвер, 12. мая т.р., на доповід нт. русиньского оселіня в реґіоні Клівленд. Стріча пройде од 19.00 год. за локальным часом, в Parma Library (6696 Powers Blvd, Parma, OH 44129).

Доповід выголосит Джон Сабол, котрий спірбує одповісти на вшелеякы звіданя, тыкаючы загальной темы. Русиньска еміґрация, котра оселила ся недалеко Клівленд, была на тілько сильна, же до днес потомны еміґрантів радо старают ся тримати звязок з русиньскыма корінями. Попри тым, тамтышні Русины внесли вельо до локальной соспільности.

Прелеґент приближыт слухачам історию іх предків, місця, в котрых прожывали до часу оселіня в реґіоні Клівленд. Доповід доторкне ся і пробы одповіджыня на звіданя, што спокусило русиньскых еміґрантів, жебы оселити ся як раз на тій териториі. Джон Сабол оповіст про сусідство, в котрым прожывали еміґранты, а і о тым, што было причыном, же пак рішыли еміґрувати дальше.

Джон Сабол то історик, занимаючий ся ґеолоґічныма досліджынями. Єст бывшым журналистом локальной пресы, через вшыткы рокы інтересувал ся і позыскал знаня на вельо тем, звязаных з околицями Клівленд.