Вкрали поливку

Як подає пресова аґенция (PAP), з музею в Спрінґфільд, в штаті Місурі, незнаны злодіі вкрали сім ціннных образів Енді Варголя. FBI оголосило, што даст нагороду за поміч при зіманю винуватых і одзысканю творів “короля поп-арту”. Серед інчых вкрадженых творів, котрых вартіст рахує ся на 500 тис. дулярів, єст славна “помідорова поливка Кампбеля”.

FBI признала, што до рабунку дішло раном 7. квітня/апріля. З огляду на добро досліджынь, інчы деталі поліция не хоче подати.

По крадежы дирекция музею в Спрінґфільд заперла експозицию, презентуючу творы американьского і бритийского поп-арту.

ґрафіка за: Вікіпедия.