Проґрам Лемківско-Погіряньского Великоднього Ярмаку в Лоси

Хоц до Лемківско-Погіряньского Великодього Ярмаку в Лоси мож ся приголосити іщы до 4. марця т.р., (заявлали сме о тым гев) – уж знаме проґрам тогорічной едициі. Ярмак, котрий орґанізуваний єст Мазярском Загородом в Лоси (одділ Музею Дворы Карвациянів і Ґладышів в Ґорлицях), одбуде ся 13. марця т.р в забудові лосяньской мазярской загороды. Вступне дармо.

Подія зачне ся од 10.00 год. презентацийом ремесла і рукоділа. В меджечасі од 11.00 год. будут тырвати варшаты Зроб тото сам – примай хыжу на свята, на котрых буде мож творити фіраны з паперя, квітя з бібулы, присторіти багніткы на Квітну Неділю, або красити лемківскы писанкы. Подібні як влони, од 13.00 год. зачне ся полюваня на яйця – 800 яєц до позбераня (забава для діти до 12 років), a пак одбуде ся турнір битя яєц. Од 15.00 год. в грекокатолицкій церкви Рождества Пресвятой Богородиці в Лоси заспіват хор Cantores Carvatiani.

А попри тым, 5. марця т.р., при в Мазярскій Загороді буде мож взяти участ в варштатах Писанкы – Драпанкы на папері. Більше – за тым мотузком.