Малюваня яєц в ЗША

В суботу, 27. лютого/фебруара т.р., Карпаторусиньскє Общество, одділ Джорджія, просит на презентацию тыкаючу писанок і малюваня яєц. Стріча пройде в парафіі св. Єлисаветы в Вудсток, в Джорджіі (St. Elizabeth Orthodox Church, 2263 E. Cherokee Drive, Woodstock, GA). Початок од 11.00 год., вступне дармо.

Презентацию буде вюл діякон Лазар Муска. Окрем того, о. Матвій Дутко просит на 10.15 год. взяти участ в молебни до Божой Матери.

Більше інформаций найдете за тым мотузком.

Што рока подібна стріча одбыват ся на Лемковині – в ґорлицкій Рускій Бурсі. Позерайте на фотореляцию з подіі в Ґорлицях з 2014 рока.