Пущаньова кройова забава в Камюнці

В рамках акций з нагоды 700. річниці з дня першой писаной інформациі про село Камюнка, в суботу 6. лютого/фебруара т.р., в камюньскым домі культуры одбуде ся Пущаньова кройова забава. Початок подіі од 19.00 год, а вступне выносит 22 евро. Можлива є скорша резервация білету.

Як вказує сама назва подіі, орґанізаторы кладут натиск на тото, жебы пристутны вділи на ся народне облечыня. Забаву прикрасит капеля Карін зо Свидника.

Більше – на залученым долов афішы.

Офіцияльны празднуваня 700. річниці Камюнкы зачали ся 18. грудня/децембра 2015 рока. Проґрам є розтягнений на долший час – офіцияльні скінчыт ся 23. квітня/апріля т.р., Дньом села Камюнка. Більше про товаришучы подіі та історию села – чытайте за тым мотузком.