Вышла нова «Бесіда» з календарьом на 2016 рік!

Доступний єст найновший номер часопису «Бесіда» (но. 6 (147), листопад-груден 2015), a в ним до прочытаня м.ін.:

• Севериян Косовскій, Панихіда над гробом о. Димитрия Хыляка;
• Демко Трохановскій, Торжественне 52. засіданя СКУтНіЕМ і вручыня Золотого Креста Заслугы Ярославови Трохановскому;
• Петро Медвід, Русины Словакії на стрічі з екпертами Рады Европы;
• Наталія Малецка-Новак, Руска Бурса офірує крест Перунчанам;
• Петро Трохановскій, Гарасимович в Никыфора;
• Петро Трохановскій, XXIII Лемківска Творча Осін;
• Наталія Малецка-Новак, Было поетыцко, музычні і фільмово – ХХІІІ Лемківска Творча Осін (явліня ІІ – Руска Бурса); 
• Александер Духнович, Добродійніст горує над богатствоm;
• Іван Дзядик, Одышли од нас – спомины про бл. п. Михала Романяка;
• Петро Трохановскій, Одышли од нас – спомины про бл. п. Михала Коцура. 

Як што рока, так і тепер – в посліднім номері часопису «Бесіда» в 2015 році мож найти долучений Календар Бесіды на 2016 рік. Найдете го внутрі свіжого номера.

Двомісячник «Бесіда» то часопис Головного Заряду Стоваришыня Лемків, выходит од 1989 рока, посвячений єст збережыню істориі, культуры і языка Лемків, інформуючий о жытю нашой і братніх нам соспільности, плекаючий вірні надіі прадідів і вітців.

«Бесіду» мож почытати в бібліотеці Руской Бурсы в Ґорлицях, котра отворена єст в каждий понедільок в годинах 14.00-18.00, або по індивідуальным догваріню в інчым терміні. Ґазета є тіж доступна в бібліотеці Кружка Стоваришыня Лемків в Ліґници.