Велийна стріча в Рускій Бурсі в Ґорлицях

Декотры будут уж по святах, другы іщы перед, але і єдны, і другы, горячо прошены сут на шторічну перед-/повелийну стрічу до Руской Бурсы в Ґорлицях. Бо не важне, ци лем рыхтуєме ся до свят, ци продолжаме святочний період. Важне, жебы ся стрітити і побыти разом. Таку можніст, як каждий рік, дає Стоваришыня Руска Бурса. Нагід стрічати ся в Бурсі єст о вельо більше, але тота, котра проходит в різдвяным часі, все єст выняткова. Чути уж тото приближаюче ся радістне свято, вшыткы сут все барже задоволены як наштоден і не страшний мороз, або сніг, хоц того рока зима ся іщы не наробила, бо дотерти до Бурсы на тот ден треба і хоче ся.

Спільне варіня, робліня прикрасок і прибераня правдивой яличкы та колядуваня одбуде ся 27. грудня/децембра т.р. о 16.00 год., але приходити мож уж од 14.00 год. та спільні рыхтувати велийны, лемківскы стравы, а при нагоді може ся і навчыти, як зробити грибы, або кєселицю (таку, як в бабы)…