О Райнфусі та о «Лемках і Бойках» в Варшаві

Карпатскє Товариство просит на наступну стрічу з циклю Карпасткых Стріч, якы што якысий час орґанізуваны сут в Музею ПАН в Варшаві.

На стрічы прошены сут ріжны гості і підниманы сут преріжны темы, але такы, жебы односили ся до карпатского світа. Тым разом односити будут ся до него дословні – Карпатскій світ Бойків і Лемків, то назва недавно печатаного альбому, о котрым інформували сме гев, якій буде головным пунктом наблизшой стірчы. О Романі Райнфусі, авторі знимок опубликуваных в альбомі, о архіві, якій по професорі остал, котре находил ся тепер в Музею Народного Будівництва в Саноку, оповідал буде кустош МНБ – др Губерт Оссадник. Він бо єст тіж спілавтором обшырного вступу до альбому, а і про сам альбом буде бесіда.

Стріча з Г. Оссадником проходила буде 18. грудня о 18.00 год. в Музею ПАН в Варшаві (ул. На Скарпі 27).