Моніка Ліс нажыво в лем.фм – четвер, 20.20 год.

Запрашаме на інтервю з нашым днешнім гостьом – Моніком Ліс, о 20.20 год. нажыво в радию лем.фм. Послухате цікаву історию, як од шытя і ходжыня по горах мож дійти до співаня в лемківскым ансамбли, жебы наконец дознати ся о своім лемківскым походжыню.

Моніка Ліс то докторантка Ягайлоньского Університету, вокалистка лемківского ансамблю Клюб деМоль, бізнесвомен, ведуча фірму Manufaktura Moniki, з котрой вышла напр. ручні роблена торба з лоґо лем.фм (до пілночы 20./21. листопада/новембра т.р. хоснувателі Фейсбука мают шансу єй выграти, даючы свій голос на участника «Молодой Лемковины»).

Моніка, як сама гварит, захворіла на тяжку хвороту, звану лемколепійом. О першых объявах і о тым, ци мож тото лічыти – днес о 20.20 год. в радию лем.фм нажыво.