Лемківскій кікбоксер Давид Свєрчыньскій зас в Бардийові!

Такой докладні рік по тым, як 8. листопада/новембра 2014 р. Давид Свєрчыньскій выграл бій о пояс Медженародового Чемпіона Словациі, лемківскій кікбоксер вертат до Бардийова на змаганя за принципами К-1 в катеґориі до 81 кґ.

Уж заран, на ґали Файт Найт (Galla Fight Night) противником лемківского файтера буде Лукач Балазш з Мадяр, а подія зачне ся в спортовій гали «Мієр» в Бардийові (Športová hala Mier) о 18.00 год.

Давид Свєрчыньскій на рінґу выступує з русиньскым гербом, вміщеным на шортах.

Влони, 10. листопада/новембра 2014 р., два дни по выграным бою о пояс Медженародового Чемпіона Словациі, бесідували сме нажыво з Давидом Свєрчынскым в радию лем.фм. Запис того інтервю – пониже.