О катастрофі в Баници

Любителі подій з періоду ІІ Світовой Війны і тоты, што любуют ся в таємничых катастрофах, будут мати змогу дознати ся дакус більше о двох зостріленых самольотах, з якых перший – Лібератор – впал на пілніч од Ґорлиц в селі Ольшыны, а другій – Галіфакс – розбил ся в лемківскій Баници к. Кривой.

29. серпня т.р., в неістнуючій уж (“завдякы” Акциі Вісла) Баници, од 11.00 год. будут проходити святкуваня 70. річниці зостріліня Лібератора і Галіфакса.

Долгы рокы істория Галіфакса не была доцяп пояснена. Іщы недавно вельох дошлідників думало, же зострілений кінцьом серпня 1944 р. самольот, впал в вересни 1944 р. Днес уж знаме, же найбарже можлива теория вказує на тото, же Галіфакс загынул кінцьом серпня 1944 р. над Адріатицкым Морьом, а остатню подорож скінчыл в Баници 28. серпня 1944…