Выстава «Вельокультуровіст Сандеччыны»

Іщы до кінця грудня 2015 р. мож в Сандецкым Етноґрафічным Парку обзерати выставу під назвом «Вельокультуровіст Сандеччыны». Выстава вказує культурову специфіку сандецкой землі – реґіону вельох наций та віроісповідань.

На выставі «Вельокультуровіст Сандеччыны» найдеме інформациі, дополнены о знимкы, якы позваляют ліпше зрозуміти історию та традицию поєдных етноґрафічных ґруп та нацийональных і етнічных меншын, до половины ХХ ст. спілістнуючых на тых землях: Поляків (з ґрупами Ляхів, Погірян і Сандецкых Ґуралів), Жыдів, Лемків, карпатскых Ромів та галицкых Німців. Три часты выставы: Мы – Они, Бог – Слово, Земля – Дім то принятий в етноґрафіі розділ на соспільну, духову та материяльну культуры.