Хочеш ся навчыти стародавных коляд? Прид до Ліґниці!

Зближат ся час Филипового Посту (Филипівка), котрий прирыхтує вірных на народжыня Спасителя. Од непамятных часів Христовому Різдву товаришыт вельо традиций. Предовшыткым тоты традициі сут богато записаны в кругу русиньской/лемківской кукльтуры. Днес, з прычыны нашого розшмаріня і поступуючой ґлобалізациі – чым вшелеякє зло поясняме – оны традициі сут забываны і одкладаны в непамят.

Власні проти такій непамяти хоче выступити Кружок Стоваришыня Лемків в Ліґници, котрий плянує зорґанізувати цикль стріч, на котрых участникы будут мати змогу навчыти ся неспіваных, забытых днес стародавных коляд і церковных пісен. Завдякы старшым членам ліґницкого Кружка СЛ, молодшы ґенерациі можут познати тексты незнаных ім коляд. Кєд лем збере ся  заінтересувана ґрупа, може і поведе ся зорґанізувати малий концерт, на котрым вызвучат навчены і опрацуваны творы.

Перша того рода стріча одбуде ся в неділю, 8. листопада/новембра т.р., в садибі Кружка СЛ в Лігници, при ул. Зофіі Коссак 6. Початок од 16.00 год. Запрашаме!

Кєд лем явит ся нагода до орґанізуваня другых стріч – будеме інформувати.