Альбом “Karpacki świat Bojków i Łемкów. Roman Reinfuss. Fotografie.” – уж доступний!

Наклядом выдавництва BOSZ, вказал ся альбом “Karpacki świat Bojków i Łемкów. Roman Reinfuss. Fotografie”, котрий зберігат в собі близко 200 фотоґрафій з архіву Музею Народного Будівництва в Саноку. Автором знимок є проф. Роман Райнфус.

Альбом презентуює минулий уж світ Бойків і Лемків – період перед ІІ Світовом Войном. Власні товды вюл своі етноґрафічны досліджыня Роман Райнфус, автор парох публикаций про материяльне і духове дідицтво Русинів з Лемковины. В альбомі находят ся знимкы вшелякого рода. Райнфус, одвиджуючы Лемковину, занимал ся фотоґрафуваньом не лем культуры материяльной, але його знимкы вказуют тіж просте жытя тамтышніх жытелів. В книжці найдеме вельо цінных зимок, презентуючых лемківскы церкви, хыжы, капличкы, ци цмонтері. Окрем фотоґрафій, в альбомі находят ся архівальны документы.

Альбом до придбаня за тым мотузком. А кєд хочете выпожычыти речену позицию – запрашаме до Бібліотекы Руской Бурсы, котра уж мат тот цінний і цікавий доробок проф. Рейнфуса.

фото: Фейсбук.

Бібліотека Руской Бурсы в Ґорлицях є отворена од понеділька до пятниці в годинах 8.00-17.00, або по індивідуальным догваріню в інчым терміні.