«За нами, перед нами» (нажыво) – середа, 21.00 год.

По тым, як дішли сме до метрык Клавдиі Алексович, вказало ся же вродила ся не 20. лютого/фебруара 1830 р., лем 20. листопада/новембра того же рока. Буде то нагода до припомніня о ній о місяц, уж з властивом датом народжыня. Але з о. Димитрийом Хыляком уж не єст так просто. Дата його народжыня і смерти односит ся до тыжня, котрий маме тепер. Але ци вшытко уж знаме напевно? О тым і інчым – в днешнім проґрамі «За нами, перед нами». Припомнеме, што в русиньскым світі прошло за остатній тыжден та заповіме тото, што буде ся діяло в наступным. Окрем того – важны річниці минулого і будучого тыжня. Будте з(а) нами!

«За нами, перед нами» – премєра 21. жолтня/октобра 2015 р. о 21.00 год. за лемківскым часом, повторіня о ден – о 3.00, 9.00 і 15.00 год. Не давайте ся просити!