Фестіваль Русиньской Культуры “Червена Ружа”, ч. ІІ – понедільок, 21.00 год.

Запрашаме до выслуханя реляциі з другой части 17. Фестівалю Русиньской Культуры – Червена Ружа, котрий ся одбыл 10. жолтня (октобра) 2015 р. в Закарпатскым Театрі Драмы та Комедиі в Мукачеві.

На сцені русиньскы співанкы і вершы передставляли так наймолодшы діти, як і признаны русиньскы, професийональны артисты – солісткы Закарпатского Академічного Хору – Мирослава Копинец, Клара Лабик і другы.

В тій части реляциі одбуде ся вручаня преміі ім. Александра Павловича для Анны Мегелі за “Ґраматыку русиньского літературного языка”, выдану в 2014 р.