Боіско #73 – архівальны награня – Ваньо Баницкій – понедільок, 20.00 год.

Днес зачынаме серию бесід з архіву проф. Олены Дуць-Файфер. Сут они результатом тереновых досліджынь на Лемковині в 90. роках ХХ ст. Якіст бесід не єст найліпша зо взгляду на доступну товды апаратуру, але іх значыня історычне – безцінне. Серию отверат бесіда з паном Ваньом Баницкым.

Проґрам Боіско – премєра в понедільок 12. жолтня о 20.00 год., повторіня о 2.00, 8.00 та 14.00 наступного дня.

Як то в лемківскым боіску – вшытко єст. Але як дашто порядне, потрібне найти, то уступ ся земльо. Кус поважні, часом ні, про тото, што ся гев, або гын, діє. Будеме чути. В боіску сідит Павльо і не лем. Павльо ря(а)дит.