Днес церковний праздник – Преображыня Господнє

Днес, за юлияньскым календарьом (ст.ст. – 6. серпня, нов.ст. – 19. серпня), праздник Преображыня Господнього. В тот ден східні церкви святкуют явліня Ісуса Христа в Божескій Славі (іщы вчас земного жытя).

Як дознаєме ся од євангелисты Матфія, Ісус Христос вязл трьох апостолів, Петра, Якова і Йоана, пак завюл іх на высоку гору. Там преобразил ся перед нима, лице Його розблиснуло як сонце, а Його облечыня засвітило білістю світла.

Преображыня мало місце на горі Фавор, на пілніч од міста Капернаум. Там Спасительови явило ся двох старозавітных пророків: Мойсей і Ілия, котры, за еґзеґетами (выкладачами Святого Писаня), бесідували з Христом о голгофскій жертві, будучых страданях і кырвавым одкупліню гріхів вшыткых люди Божым Сыном.