Никыфор в Америці

50 акварель Епифана Дровняка, знаного в світі як Никыфор, найвыдатнійшого світового примітывісты, мож од 10. вересня обзерати в ґалериі Peter and Elizabeth C. Tower Gallery попри Daemen Colegge в Амгерст (штат Ню Йорк).

Выстава є єдном з трьох, на котрых жытелі Америкы мают нагоду обзерати роботы лемківского артисты зо старого краю. В Амгерст творы криницкого Лемка буде мож подивляти до 2. жолтня. Пак, выстава перенесе ся до Чікаґо і Спрінґфільд (в штаті Мізурі).

В Чікаґо выстава вказувана буде в Польскым Музею од 23. жолтня до 15 січня 2016 рока, а пак в Спрінґфільд в ґалериі Meyer Library попри Університеті Штату Мізурі.