Гумореска #3 – «В школі», середа, 21.00 год.

Запрашам до выслуханя гуморескы пн. «В школі», авторства Івана Дзядика. Дознате ся, чом вчат ся лем мудры і честны діти в школах на Лемковині. Школяр Ваньо буде мусіл одречы на тяжкы звіданя з обшыри ґеоґрафіі, культуры, істориі і вшелеякых другых наук. Не буде то пересічна лекция, а великій конкурс! Цікаве, ци Ваньо достане высоку оціну?

Учытельом буде Іван Дзядик, а школярьом – Севериян Косовскій.

Буде весело! Не дайте ся просити!

Премєра: 23. вересня о 21.00 год.

Проґрам повториме наступного дня о 3.00, 9.00 і 15.00 год. за лемківскым часом.