Перший фестіваль в Зимній Воді – субота, 21.00 год.

29.-30. серпня перший раз в селі Зимна Вода одбыл ся Львівскій Областний Фестіваль «Гомін Лемківщини». Зимна Вода ― то барз великє село коло самого Львова, де част жытелів то Лемкы. В сусідніх селах і назагал в цілым Перемышлянскім районі, до якого належыт Зимна Вода, переселеных Лемків і іх потомків єст дост дуже. Фестіваль зорґанізуваний Товариством «Лемківщина» і місцевом владом, жебы і львівскы Лемкы мали своє свято. А чом зробили тото власні тепер? Бо хотіли в такій спосіб припомнути о 70-літю переселіня з Лемковины. О тым фестивали і о людях, котрых стрітила кореспондентка Лем.ФМ, слухайте в днешнім проґрамі. На фото зліва ― ансамбль «Лемковина» зо Львова, справа ― задоволены глядачы; в червеным – Анна Пелеш з Миколаівской области.

Премєровий одтинок проґраму „70 процент” в суботу о 21.00 год., повторіня в неділю о 3.00, 9.00 та 12.00 год. за лемківскым часом.