Руско-американьска співанка

Знаешь, жено, каже — Ваньо

до своей Марисѣ —

Гнесъ насталії тяжкы часы

и ту въ Америцѣ.

О роботу теперь трудно,

нѣтъ где заробити.

Хлѣба треба — а и за рентъ

Нее чѣмъ платити.

Тота пейда, што я беру,

намъ не выстарчае,

А на книжку гнесъ гросерникъ

ужъ не радо дає.

Лѣпше было-бъ, што-бъ ты пôшла

до »старого краю«

А я собѣ якосы ту —

самъ скорше пораю.

Тамъ на грунтѣ сама собѣ

будешь газдовати,

А я гроши — што заробью

буду тобѣ слати.

Што-бъ ты мала на обсѣвокъ,

тай на коровину,

Собѣ, дѣтямъ хлѣба купишь,

тай и кожушину.

Жена на то згодилася,

мужа послухала,

Тай въ далекую дорогу

выбератись стала.

Коли прійшолъ день отъѣзду

— година розлукы,

Ваньо плаче, жѣнка плаче,

съ жалю ломитъ рукы.

Не плачъ жено, не смутися

не сумуй небого,

Лемъ о менѣ не забывай

я молися Богу,

Штобъ позволилъ менѣ ту

центбвъ заробити

А я за Тобою прійду,

якось будемъ жити.

Але прошу моя люба

памятай на дѣти,

Съ хлопцями ся не заходи,

въ корчмѣ не сѣдити.