Александер Гассай – выдає і за ґазету одповідає

Лемко, в двойчыслі 13.-14. за 1911 рік, поміщат текст адуката Александра Гассая, секретаря Руской Бурсы ім. Венедикта Мійского в Новым Санчы, а заєдно того, котрий – выдає і за ґазету одповідає, ци коротко шефредактора нашой Ґазеты для народа, особы вызначной, хоц серед Лемків мало знаной. Дотепер в нашій редакциі тот діяч мал лем єдного ентузиясту-сторонника, родом з Новівси, од днес рахуєме на гідні веце.