«Притчы» – VII Медженародовы Варштаты Іконописців в Новици

Як заявлят інформацийний порталь грекокатолицкой вроцлавско-ґданьской єпархіі www.cerkiew.net.pl, в днях 6.-20. вересня т.р., в лемківскым селі Новиця, в забудові Братства Грекокатолицкой Молодежы Сарепта, буде проходила VII едиция Медженародовых Варштатів Іконописців. Тогорічном темом варштатів сут біблийны притчы.

Попленеровы творы будут запрезентуваны на выставі в Музею Никыфора в Креници та другых місцях Европы. Креницкій вернісаж одбуде ся 19. вересня т.р., од 15.00 год., а выстава буде тырвала до 12. жолтня т.р.

Веце інформаций долов на залученым афішы.