Днес в Коннектікет (ЗША) – Талергофскій Ден Памяти

Лемко Союз запрашат вшыткых своіх членів і приятелів на Талергофскій Ден Памяти, получений зо спільном стрічом, котра одбуде ся днес, 1. серпня в Гіґанам в штаті Коннектікет (184 Old County Road, Higganum, Connecticut).

O 11.00 год. локального часу (17.00 год. за лемківскым часом) буде служений молебен і панахіда за тых, што стратили жытя в концентрацийным лаґрі в Талергофі в 1914-1917 рр. і за вшыткых тых, што вмерли в Карпатах і околицях в 1912-1951 рр.

По богослужынях, даде од полудня, орґанізаторы просят на спільну стрічу, на котрій, завдякы діджейови Штефанови Дутканичови (DJ Bortne), почуєте вельо русиньской музыкы. Буде тіж ідло і змога стрічы з другыма, котры памятают про талергофску траґедию русиньского Народу з періоду І Світовой Войны.

Більше інформаций – на фейсбуковым фанпейджы орґанізатора.