Лемківскы і погіряньскы весільны традициі з Серенчом

Лемківскій фольковий ансамбль «Серенча» сердечні просит до Містецкого Парку в Ґорлицях (Park Miejski w Gorlicach) на концерт названий Весіля – Wesele, котрий зачне ся 2. серпня т.р. од 17.00 год.

Як повіл нам Роман Корбич, ведучий Стоваришыня Промоциі Лемківской Творчости «Серенча», котре єст орґанізатором подіі, в рамках концерту з циклю Стріча з культуром Лемків і Погірян «Творча інтерпретация традициі» ансамбль вкаже деякы традициі, такы як весільны гры і забавы, конкурсы, лемківскы і погіряньскы танці, забавы для діти, а не бракне тіж лемківскых і погіряньскых весільных пісен і приспівок.

Проєкт реалізуваний єст з фінансовом підпором Малопольского Воєвідства.