лем.шпорт

І кідь дакому зачали вакації, першый і єдиный на світі русиньскый шпортово-діскузно-науково-політічно коректный і аґрарьный проґрам лем.шорт вакації не мать. І днесь, як кажду пятніцю, ся вам оголосить із Пряшова.

Днесь буде знова і гость. Актор Театру Александра Духновіча, доктор псіхолоґії і духом шпортовець Володимір Чема. О його одношіню ку шпорту і о псіхолоґії шпорту ся дізнате лем в нашім проґрамі.

Став в штудію днесь 1:1. Єден Медвідь і єден Чема. (Поздравуєме Михала Куцера, котрый має робочі обовязкы в Братіславі і ку вчерашньому Міджінародному дню шпортовых журналістів му жычіме вшытко добре!)

Уж од 19.25 год. чабиньского часу, котрый такый самый як тот в Полаті ся на Вас тішыть Петро Медвідь і доктор Чема.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА