XIV Крампняньска Історычна Парада

В неділю, 12. липця т.р., в лемківскым селі Крампна, буде проходила XIV Крампняньска Історычна Парада для церкви в Святковій Великій. Стріча зачне ся о 13.00 год, на церковным пляци перед святківском церквю. Вступне дармо.

На сесу подію запрашают Римокатолицка Парафія в Дошници і Стайня Румак в Котани. Вчас тырваня парады буде вельо атракций. Орґанізаторы запрезентуют показы історычных боів, рукодільний ярмак, музыку, ідло та забавы для найменьшых.

Веце інформаций на залученым долов афішы.

Церков св. Михала Архангела в Святковій Великій побудувана была в 1757 році (така дата вырізана над входом), по части фундацийом Петра Пашкєвича, товдишнього властителя села. Церков є орєнтувана, деревяна, тридільна, з вежом закінченом ізбицьом. Над олтарьом і храмом вірных дах шатровой конструкциі, закінчений банями. Середину прикрашат богата поліхромія, покрываюча вшыткы стіны, бані і повалу притвора. Неє в ній іконостасу.