Ватра 2015

Здружыня Жывот Русина запрашат в найблизшу пятницю 26. червця (юна) до Вільшавиці на ВАТРУ 2015. Стоваришыня Жывот Русина діє в русиньскых селах попри Левочы. Знане єст м.ін. з орґанізуваня таборів для діти, на котрых вчат ся они традицийного ремесла і русиньского языка.

Як написал нам Марко Русиняк, предсідатель здружыня, ВАТРА 2015 то маленька акция, навет без орґанізуваных выступів ансамблів. Іде веце о символічне зазначыня русиньской присутности і втриманя традициі. Може в дальшых роках подарит ся з той подіі зробити векшу акцию.

Запрашаме до позераня на сайті з інформациями про село Вільшавиця і слуханя музыкы ансамблю Ялинка. Фотоґрафія з вільшавицкым тканьом зо сайту www.olsavica.sk.