Властителі Хыжы над Вислоком красні просят вшыткых на отворіня хыжы і добру забаву!
На нашым кінци світа рыхтує ся великій початок… значыт народжыня Хыжы над Віслоком! Вымрияли сме собі такій з концертами, з выставами, з кєрмешом і рукодільныма варштатами, як тіж спільном забавом до білого рана при ватрі і під розсвітленым звіздами небом… адже орґанізуєме! Того дня на народну ноту пригривати будут Анґеля Ґабер Тріо і Гудаци!
Імпреза одбуде ся 11. липця 2015 рока од 14.00 год. на териториі Хыжы в Вислоку Великым но. 39 (околиці Команчы)!
Вступ дармо для вшыткых!
Можете забрати з собом шатро!
А кєд єс артистом, рукодільником, предвзятником, то запрашаме Тя сердечні до сотворіня свойого кєрмешового страґану, або до провідіня рукодільничых варштатів.
![chata](https://www.lem.fm/wp-content/uploads/2015/06/chata-300x200.jpg)
![CHATA](https://www.lem.fm/wp-content/uploads/2015/06/CHATA-300x210.png)