Днес кінчыт ся ІІІ Русиньскій Фестіваль во Свиднику

По вельох подіях, котры могли сме видіти в рамках ІІІ Русиньского Фестівалю во Свиднику, приходит час, в котрым треба ся з фестівальом пращати. Днес послідній фестівальовий ден, в котрым од 13.00 год. в свидницкым амфітеатрі зачнут ся концерты ансамблів і солістів: Русинія, Кечера, Шамбрінці, Орловчанка, Маковичка, Роматан, Шаришанці і Крістіна.

ІІІ Русиньскій Фестіваль во Свиднику зачал ся в понедільок 25. мая і тырвал цілий тыжден. Окрем музчычных концертів в амфітеатрі (проходят од пятниці), будучых артистычным завершыньом фестівалю, одбыло ся вельо інчых подій і презентаций:

1. Понедільок – стріча з Обществом св. Йоана Крестителя (чытайте гев),
2. Віторок – театральна пєса про діти і спектакль Театру Александра Духновича з Пряшова (чытайте гев),
3. Середа – стрічы з Інститутом Русиньского Языка і Культуры Пряшівского Університету і Стоваришыньом Руска Бурса з Ґорлиц (чытайте гев),
4. Четвер – презентация книжкы о Андрию Ґавулі (чытайте гев).

Вшытко, што добре, скоро ся кінчыт, зато спіште днес на остатній ден ІІІ Русиньского Фестівалю во Свиднику!