З далека сте приіхали…

В минулым тыжни, 28. мая 2015 р., трісло 100.000 одкрыть порталю lem.fm в 2015 р. (чытайте за мотузком). Днес маме 4. уродины, о чым тіж сме уж споминали. Наша 4-літня дітина мат іщы єдно свято – празднуваний 1. червця – Ден Дітины, зато з такой кількости торжеств в єдным часі, приведеме Вам пару даных. На початок – одкале сте?

Долучаме ся до одвічной, выкликаной статистыком, борбы, котра в днешнім світі наказує фурт быти першым. Правда, сут такы катеґориі, де стыд быти першым, але днес, в наш малий праздник, будеме інформувати лем о тыx аспектах фунґуваня порталю lem.fm, з котрых вельо хоснувателів буде гордых (а мы з нима).

То даны (вшыткы за Google Analytics), котры вказуют, з котрой державы входите на наш порталь. Чым темнійша одтін синього – тым більше входів (клікнийте, жебы збільшыти).

О кілько, як бы ся здавало, входы з Польщы, котрых єст понад 50%, не зачудуют никого (хоц зміна пропорций взглядом 2014 рока, при міцно збільшеным чыслі входів, єст “до передуманя”), то хоснувателі з держав на місцях 2-4, можут бороти ся о добрий другій результат. Дякуєме хоснувателям з Росиі. Хоц може сподівали бы сме ся гев Канады, або Сербіі, тота же локалізация занимат днес 5. місце.

Не чудуют нас входы Русинів з Камеруну, або островів Сент Вінсент і Ґренадин на Караібскым Мори. Тішыме ся, же інформациі з Карпатской Руси сут близкы серцю Камеруньской і Караібской Руси! 🙂

Перша пятка:

1. Польща – 51%
2. Словация – 11%
3. Украіна – 10%
4. ЗША – 10%
5. Росия – 5%

ДЯКУЄМЕ за Вашу присутніст!