Невыгідне культурове дідицтво – конференция

В днях 27.-29. мая в Кракові буде проходила Медженародова Наукова Конференция Невыгідне культурове дідицтво? Культурове дідицтво народовых, етнічных і реліґійных меншын в публичным просторі – міты, ідеолоґіі, де(ре)конструкциі? Орґанізаторами конференциі сут Іститут Етнолоґіі і Культуровой Антрополоґіі та Інститут Культуры Ягайлоньского Університету, Університет в Букарешті і Інститут Румуньской Культуры в Варшаві.

Конференция посвячена буде квестиі марґіналізациі (а при тым – регабілітациі), якой досвідчают меншыны в Европі. В вельох европейскых державах в ХХ ст. меншыны мали быти сказаны на забытя, засимілюваня (чого приміром єст лемківска меншына) і переслідуваня. Тепер, в ХХІ ст. спостерігаме одверніня ситуациі, коли представникы власти, окружаюча векшына та ріжны інституциі сперают розвиток і само істнуваня меншын.

В краківскій конференциі участ возмут науковці і дослідникы з вельох університетів з Польщы, Украіны, Росиі, Румуніі, Білоруси, Чех, Іспаніі і Ґрузиі, якы бесідувати будут м.ін. про справы европейскых меншын напр: німецкой, польской, росийской, шлеской, украіньской, македоньской, але тіж про проблемы меншын, жыючых в далекых од нас, культурово і територияльні, обшырях світа, як напр.: в Хінах, Тайвані, або державах Латиньской Америкы. Вельо місця посвячене буде дідицтву Жыдів.

До лемківской меншыны, дальше, або близше, одкликувати ся будут:

• др габ. Юзеф Бринкус (Інститут Істориі Педаґоґічного Університету в Кракові) Нацийональны меншыны в історычным і едукацийным дискурсі в періоді Полькой Народной Республикы і в сучасности;
• Шымон Моджеєвскі (Стоваришыня Маґурич) Іх? наша? Спільна? Никого? – осваяня чужого, т.є. охорона сепульклярной штукы нацийональных та етнічных меншын;
• мґр Жанета Ґварджіньска (незалежна дослідничка) Охорона материяльного культурового дідицтва нацийональных і етнічных меншын в Конституциі ПР з 1997 рока;
• др інж. Домінік Орловскій (Высша Школа Туристыкы і Языків в Варшаві) Проблематыка лемківской етнічной меншыны в скансеновскых музеях і єй значыня для етноґрафічной туристыкы.

Пониже – цілий проґрам конференциі: